لمن نفتح الستار
لمين صحيح ؟؟؟
لوقلنا ان الدنيا مسرح كبير ... طيب يبقى مين اللى حيفتح الستار
علشان كدة دايما أنا ببص حوليا و اشوف
مينحيفتح الستار؟؟
انـــــا
انـــــت
احنــــــــــا
طيب مين
السؤال مش صعب ... انما يمكن الإجابة هى اللى صعبة
طيب لما تعيش حياتك و انت على طول بتحب كل الناس و شايفهم اخواتك واصحابك وحبايبك
وعمرك متأزى حد ... وبتقول اساعد كل الناس
اصلك النهاردة يمكن تكون قادر لكن بكرة
حتبقى قادر !!!
ولما يصعب عليك البشر , اللى يمكن حالهم من حالك
بس انت ياحرام صعبان عليك غيرك
ومش صعبان عليك نفسك
عجيبة
ولما يقولولك ادى يابنى
دى بردة الناس لناس
و انت تفضل تدى وتدى
وعمرك مسألت نفسك
امتى بقى حتاخد
عجيبة
تفتكر لما تبقى حد طيب , عايش تدادى و تطبطب
ولما يسيبك حد , تقول اتمناله الخير
ولما يبيعك تقول بكرة يجى اللى شارى
و لما تخلص لناس متعرفش معنى الوفا
ولما تحرم نفسك علشان غيرك مينحرمش
ولما تشوف حلمك ادامك طالع و تقوله استنى ... اللى جنبي نفسه فيك
تقوم تسيب حلمك لغيرك
وتقول لنفسك بكرة جاى
ولما تقدم المعروف و تزرع الجميل
و يوم الحصاد تلاقي نفسك فى ارض بور
ولما تعز حد وتقول انا بضحى علشان اكسبه
وهو مصر دايما يخسرك
تفتكر لو انت حد كدة , فيه كل الصفات دى
ينفع انت اللى تفتح الستار
طيب لو فتحت الستار
حتشوف ايه ؟
حنشوف ناس بتحب تضحك و تبكي و تفرح
ولا
ناس بتترصد بغبائها لناس
ولا
ناس غاوية تبص من الكوليس وخلاص
ولا اية .... ولا اية
صدق اللى قال
الدنيا يابنى مركب ... مش عارف فيها امتى ترسى
و لما ترسى , لفين حتخدك
بس سيبك انت ... اكيد بكرة احلى
حيجي بكرة
و اللهى حيجى بكرة
15 هنا .. مش فى مكان تاني:
اسمحى لى أدخل الكواليس و اصفق لم صاغ هذه الكلمات قبل أن يظهر على المسرح ويلقيها
للأسف من تكن به هذه الصفات مظلوم واصبح ما يفعلة هو حق مكتسب للأخرين وان تأخر علية يوما او هناك ظروف قاهرة منعته القى علية اللوم وعاتبة الطثير مع انه ليس مفروض عليه فعلا ويفعلة هبه منه لمن حوله
لكنه الحق المكتسب
وهذا النوع من الناس يحس بالأخرين أكثر من احساسة بنفسة وهذه طبيعه
مش هطول
تحياتى
مين اللي هيفتح الستار ؟
الناس
هتلاقي ايه خلف الستار؟
هتلاقي حاجات حابه انك تشوفيها وحاجات بتغمضي عينيك عشان مش عاوزة تشوفيها وحاطةايديك على قلبك ليرجع بكرة لما يجي تكوني خلاص عينيك اتعمت
تحياتي
tamr
i'm sorry for be late
but i have a problem in my computer i can't write in arabic
your tobic is very goooooooooood
that's my real charchter which always trouble me ........ my principles .. my feelings.. my treatments with people is too clear ... so i faced dishonesty from my friends... so i leav out any friendship..
الدنيا يابنى مركب ... مش عارف فيها امتى ترسى
و لما ترسى , لفين حتخدك
although that i will open the curtain yesterday .. today .. tomorrow that is not important
بقللك اية يا سوسة
سيبك من الحزن و البؤس
اللى انتى عايشة فية دة
الدنيا دى زى الخيارة يوم معاكى
ويوم ف السلطة
مش ستارة
ومسرح
وحركات
سيبك
هانروح للعروسة امتى بقى
رمضان جاى
سلام
هنشوف ناس تغنى وتضحك وناس بتبكى وناس بتجرح في ناس وناس بتخدع ناس
هتشوفي الدنيا اللى انتى شيفاها الواتى بس هتشوفيها اكبر واوسع
مين اللى هيفتح الستار احنا اللى بنفتحه كل واحد فينا بيفتحه بس بطريقته
تحياتى
انا مش متأكد اذا كنت فهمت قصدك بالضبط ولا لأ
لكن صدقينى مفيش حاجة بتضيع
ومش هاقولك مفيش حاجة بتضيع عند ربنا
لا ومفيش حاجة بتضيع عند الناس كمان
مش معنى ان الناس مش بيعاملوك بنفس المعاملة انك تعامليهم وحش
لانك ببساطة بتعاملى الناس زى ما تحبى انهم يعاملوك سواء عاملوك كويس ولا لأ
وده اللى بيميز معادن الناس
وبعدين انت لسه شباب فبلاش التشاؤم والتأمل الزايد عن حده ده لانه لا هيقدم ولا يأخر
وخليك فاكرة دايما ان الافضل هو اللى بيسامح
وكله بحسابه عند ربنا
سلام
بعد السلام عليكم
أيه يابنتي الكلام ده كله .. كلامك جامد أوي .. بس هو معقول في أنسان بالصفات دي في زمنا ده
حتي لو في فعلا أنسان كده يبقي مينفعش يفتح الستار .. عارفة ليه؟
عشان لو فتح الستار هيبقي بيظلم نفسه
تحياتي
وكل سنة وأنتي طيبة
ياخبر ابيض
ايه يابنتى الكلام الكبير ده .. انا دماغى لفت وافتكرت حاجات ومواقف وناس وصعبت عليا نفسى وكان نفسى اعيط
ربنا يرحمنا برحمته
بس بردو الطيب له رب ومش حينساه ابدا
:)
بس سيبك انت ... اكيد بكرة احلى
حيجي بكرة
و اللهى حيجى بكرة
تصدقي بكره ده عمالين نسمع
عنه بقالنا زمان اوي
مش باين حتي روايحه
هايجي امتي بقي:((
انا اول مرة ازورك
جيت اقولك كـل رمــضان وانتى بخير وفى احسن يااااارب آمــــــــين وتكونى سعيدة ومبسوطة يااااااااارب آمــــــين ويبغلك رمضان
آمــــــين
بجد كلمات جميلة جدا
تستاهلى الشكر عليها
بس عاوزين نشوفك فى حاجة فرح شوية
وكل سنة وانتى طيبة
وياريت تشرفينى فى مدونتى
انا مختلف معاكى كتير قوى لان مهما كان الانسان فيه كل الصفات اللى تخليه فعلا انسان بمعنى كلمه انسان لو فيه كل الفضايل ديه لو حتى اختار انه يبقى الضحيه لكل اللى حوليه لمجرد انه يكسبهم لو حتى حاول انسان زى كده ان هو اللى يفتح الستاره هيشوف برده الدنيا زى ما هى مسرحيه كبيره قوى فيها اللى بيقوم بدور الفيلين او الشرير و فيها اللى بيقوم بدور الطيب المسالم و فيه اللى بيقوم بدور الحابب و فيها المحبوب يعنى فيها كل النسا لانه فى الول و فى الاخر دنيا يعنى ما ينفعش يلاقى فيها غير صوره له لانه هتبقى ممله و هتبقى مش دنيا كما هى فى الوقاع
خيالك حلو جدا و تعبيرك احلى
تحياتى و كل سنه و انتى طيبه
على فكره نسيت اقولك ان بوستى الجديد نزل
يا ريت اشوف تعليقك
الطائر الحزين
الله يكرمك .. و بجد انت لفت نظرى لحق المكتسب
عندك حق
سهر
شرفتى المدونة ... و اوعى تغمضى عينك علشان اكيد بكرة جاى و لازم تكونى مستعدة
سيندريلا
وحشتينى ... اوى اوى
فينك كدة حرمانه منك , اوعى بعد كدة تتأخرى عليا
كفراوى
انت اخر و احد تتكلم عن الموضوع دة
اصل خيرك سابق , و بعدين انت الخيرة معاك دايما فى السلطة
أسامة
الف شكرا على الزيارة دى و يارب متكونش اخر مرة
ابو سليم
الله يخليك .. مش عارفة اقولك بجد اية
انت قولت كل حاجة
بس بجد استفدت من كلامك و يارب كدة دايما
ابو صلاح
الله يكرمك ... انت شايف كدة
على كدة انا عمرى مش حروح مسرح بعد كدة ... منور يا ابو صلاح
انسانة
منورة بجد ومشرفة المدونة و فرحانة قوى بزيارتك
بس سيبك ... انتى بجد قوتيلى قلبي
اصل انا كنت قربت احس ان اللى زى انقرضوا
مي
منورة يا جميل و يارب اشوفك عندى كدة دايما
وعلى فكرة بكرة و اللهى جاي .. بس انتى خلي املك فى صاحب بكرة قوى و هو دايما معانا
امانى
اللهم امين .. يارب العالمين
و يارب دى متكونش اخر زيارة
مواطن زهاقن
ليه كد يا عم المواطن ... زهقان ليه
وبتقول انا بردة اللى حزن
ع العموم شرفت و اوع تكون اخر زيارة
شريف غريب
منور و اللهى ... فينك من زمان
ع العموم منور .. بعدين متنشغلش علينا كدة
تحياتى ليكم كلكم
وكل عام و انتم بألف خير
طيب هو لسه فى ناس بتفضل تدى وتدى من غير ما تسال امتا حتاخد
على ما اعتقد ان اللى بيدى بيكون حاسبها قبلها بانه لما يدى 1 اكيد هيكسب 10
مش عارفه
وفى النهاية الحياة اخذ وعطاء
إرسال تعليق