١٢:٣٥:٠٠ م

اعتذار

اعتذار
لكل من ترك لي تعليقا .....
لكل من سأل عن غيابي....
لكل من قال أين ... ومتى .... ولماذا ؟
أعتذر
فلا يوجد لدي مهو أغلى من الأعتذار لأقدمه ..
عذرا أحبائي فى الله
قد يأتى يوما وتجدونى فى هذا المكان ويصبح هذا الأعتذار فى خبر كان
وقد لا يأتى اليوم فأكن انا المٌلام
لهذا اقبلوا اعتذارى و سألوا لى تعجيل اليوم
فى كل الأحوال يبقى المكان لكم وكلنا زوار

٩:٣٢:٠٠ م

تاج الليلة

أخر ما توصلنا له ..

بلغنا أيها العزيز .. ان اليوم صعب ولذيذ

فااليوم و بعد غياب

اجتمعوا الرفاق وقرروا الأتفاق

فكان هذا الحوار .. من شخص طال عليه الأنتظار

وجهنا له القليل .. فأتى هو بالدليل

وأليكم هذا البيان

السؤال الاول : بدءت التدوين امتى ودخلت العالم دا ازاي ؟

بدءت بالظبط بالظبط فى أغسطس 2007 من كتير يعنى ... أما دخلت أزاى طبعا كان عن طريق قرأتى العميقه و المستديمه للصحف والمجلات هههه .. لا بجد كان عن طريق ابن خالتى لما سألته عن رأيه فى المنتديات ودا كان من سبيل الجديد .. قال التدوين أفضل .. طب أزاى فقلى على البلوجر و على فكرة كانت المدونه أسمها مش كده خالص و لا دا كان شكلها كمان . وأخدت الموضوع و نسيته لفترة و فى يوم كنت بتصفح على الأنترنت فلقيت مقاله حلوة قوى عن التدوين و كام حد كده كانوا بيقولوا عن تجربتهم .. فصحت الفكرة من جديد و قد كانت ليتنى أراك .

السؤال التاني : ايه كان انطباعك فى البداية ؟

بصراحة يعنى فى البدايه كنت منبهره بالقصه انك بأقل تكلفة و بأقل الخطوات تمتلك صفحة خاصه بيك تعبر فيها عن نفسك شويه وعن حاجة جواك شويتين . بس لما أبتديت فى نشر أول بوست وأستقبل أول تعليق بدأت استغرب ... ليه بقى ؟ ع فى كتير ممكن يحكوا اللى جواك من غير ميعرفوك ودول طبعا قله . ... الشائع بقى انك تحكى فى أتجاه و هما يعلقوا فى اتجاه تانى خالص . بس اللى بجد بجد أستغربته هو أنا ... أه ... أن كنت بقرا البوستات بتعتى و كنت بقول مين اللى كاتب الحاجة دى من كتر مأنا مستغربانى .. مستغربه نفسي يعنى و الله دى حاجة تربك .

السؤال التالت : مين اكترحد تحب تعليقه على البوست الجديد ؟

طب ليه الأحراج دة طيب بصراحة كل اللى حاسه منهم انهم قد أيه بيتبعوا المدونه هنا .. أو بمعنى أصح اللى بشوف تعليقاتهم من أول يوم كتبت فيه لحد دلوقتى . دا من ناحية.. الناحية التانيه بقى اللى انا بتابع تدويناتهم ..أه لو مشوفتش تعليقهم على الجديد عندى .. تبقى مذبحه والدم للركب ههههههههه من باب العشم يعنى هههه يمكن لانى بحس ان التدوين دا دنيا زى اللى احنا بنعشها دلوقتى يعنى بيبقى لكل حد واجب وحقوق على الحد التانى وكده يعنى .

السؤال الرابع:- ايه الحاجة اللى اتعلمتيها من التدوين ؟

بصراحة و من غير ضحك انا كنت دايما أسمع عن ان البنى آدم ممكن يعيش بأكتر من وش و كل ثانيه يلبس قناع و كنت لما أسمع الكلام دة أضحك بجد و أستعجب و أخرها اقول حقا و كان الأنسان أكثر شئ جدلا . انما هنا وفى عالم التدوين تقدروا تقولوا انى شوفت دة عملى . . يعنى تدخل مدونه لحد تلقيه أسم المدونه يعبر عن حاجة لمعنى جميل و فى البوست بتاعه تلقيه بيحكى عن العكس . وهو اى كلام .

السؤال الخامس : حاسه ان التدوين له تأثير ؟

لو حتكلم عن تجربتى فهو أه ... انا لما أنشئت المدونه " ليتنى أراك " كانت حاجة جوايا بجد حابة تتكلم عن كل اللى فحياتى من شخصياتى أتمنيت انى أراهم .. منهم اللى موجود معايا لكن برده عايزة اشوفهم.. ومنهم اللى رحل عن حياتنا و أتمنى كمان أشوفهم ... ومنهم اللى بعيد والغربه و خداه و اتمنى كمان اشوفهم و مابين كل دول بكتب بوست و انتم تشاركونى التعليق عليه . ع كده المدونه دى عندى زكرى كبيره مقدرش أمحيها من حياتى لان جواه حاجات اكتر من انها كلمتين فى بوست . اقولكم على حاجة ... اوقات كتيييييييييير قوى بفكرة أمسح المدونه على أساس ان مع مشاغلى و هموم الدنيا مش بقدر أوفيها حقها وممكن أسيبها بالشهر أو اكتر من غير ما ادخل حتى اشوف ايه جديد .. بس بصراحه مش بتهون عليا . يظهر انى حبتها ولا أيه ...

السؤال السادس :- مين تحب انوا يجاوب الأسئله دي ؟

قبل ما أقول .. فأ نا حابة أشكر طبعا اللى بهدلونى و أبتلونى بالأسئلة دى ...

  • بنات أفكارى واللى عايزه اقولها بعد اللى قولتيه فى مدونتك فأنا كان لازم أخد الأسئله و أحلها زى ما أنتى شايفه أصلك ثبتينى خالص رغم انك عارفه راي فى موضوع التاجات دة .
  • شمس اللقاء ودى طبعا لأموله حبيبتى و اللى طبعا مقدرش اقولها "لأ" يمكن لأنى بعتبر مدونتها دى مدونتى أنا لو تسمحلى طبعاً

جه دور التأمر مره تانيه .. انما أعزرونى طيب.. وانا سماح لو مش حتنفذوا التاج

( عادى بقى منا كتييييييير عملتها قبلكم ... بس انتوا طبعا غير ..)

  1. سلوى حببتى لمدونة طوق الحريه واللى بنتهزها فرصه وبقولها سمحينى بجد لتقصيرى وحتى لو محلتيش التاج فيكفى انك تعرفى انك أول حد جه فى بالى .
  2. إسراء طبعا لمدونة أحيانا ..وأحيانا وبقولها ربنا يوفقك و سمعه عنك كل خير و اعذرنى لعدم المشركة بس انتى دايما نشيطة و مجتهدة و بمسك الخشب أهو...
  3. ممكن أكيد ممــكن صديق دائم للبرنامج قصدى للمدونه و اللى أكيد تعليقاته مينفعش ننسها ولا حتى تروح من البال .
  4. د. غنيم لمدونة حتى لا انسى وبقوله بجد مدونه جديره بالأحترام وما فيها ليس فقط كلمات فهى حقا محاولة منك أن لا تنسى .
  5. كفراوى لمدونة Night smoke و اللى بنقوله فينك من التدوين اعتزلت ولا أيه؟؟ .
  6. والختام طبعاً بروفى الجميله لمدونه لقاء الأحبة واللى بقولها انتى حد عزيز بجد من غير ما أشوفه يكفى سؤالك الدائم عنى و أعذرينى للتقصير .

دا طبعا غير كل حد بيدخل و بيعلق و حاسس انوا لما يحل الأسئله دى حتفرق معاه دى وجهات نظر ..

********

تنويه بسيط جداًوبنقفل على كده

اتمنى مكنش ضيفه تقيله فى البوست دة ويارب اكون حولت أجتهد فى الكتابه كمان و سامحونى لو لقيتوا أى أخطاء

وبعدين ليه تلاقوا أخطاء أمال فين الفراسه طيب .

وهنا أدركت تمر حنة الصباح فسكتت عن الكلام المباح هههههه

استودعكم الله

١٢:١٤:٠٠ م

سنه هجريه .. سنه ميلاديه

انا قولت انزلت البوست دة بسرعه .. يعنى حاجة تيجى قبل وقتها مرة
عارفه انى مقصرة فى حقكم و فى حق " ليتنى اراك "
لكن هى بقت " منى تمام "
قبلت منى الأعتذار لما عملتلها نيوك لوك على الأخر
ههههههه
ياريت يكون كويس و بدايه لسنه جديدة جميله ان شاء الله .
ويبقى اعتذارى لكل متابعين هذه المدونه
..........
سنه هجريه ,, سنه ميلاديه
كل عام وأنتم إلى الله اقرب
ولفروضهِ قائمين
حفظكم الله

٢:٣١:٠٠ م

من يقول

من يقول انك صدى .......... من يقول انك هوى
من يقول انك زكرى ............ من يقول انك عبرى
من يقول انك رؤى ........... من يقول انك لؤى
من يقول انك نشوى .............من يقول انك مرسى
/\
**************************
\/
مـن يـقـول
من يقول فلك عصى .......... من يقول فهو طغى
!!!!!!!!!!!!!!
ألك الدوى ولنا العزى !!
ام أنت كنت فالفضاء رثاء و أزاى ...

١٠:١٧:٠٠ م

كان لازم

يلا
1 ....2.....3
ابتســـــــــــــــامة طيب
تمام قوى كده