تاج 2

ياعينى على الصبر ..لألأ ..قصدى ياعينى على التاج

يلا أمري لله ..دا تمريرة عاشقة الفردوس .. على الرغم من ان مسألة التاج دى بتبقى توريطه ومجهدة قوى ... بس عال ، يلا خير ابتدى بقى... بسم الله الرحمن الرحيم .... والله المستعان

لومكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟ كنت ح فتخر بشعب مهما شاف من صعب ... يصلب ويقول يارب ...ولماتضيق عليه حلقتها يقول الحمد لله . طب دول حتى خير اجناد الأرض

أولوكنت أوروبي أو غير مسلم بردو إيه نظرتك للعرب والمسلمين ؟

شوفى انا مش حقول انا الإسلام رحمه وسلام ومحبه تملى كل الكون ... ودا لأن الإسلام دينا اكبر بكتير من الكلمتين دول و كمان اكبر من انى اتكلم عليه فى سطر او سطرين ... لكن انا ممكن اقولك حاجه ابسط من كده خالص لو الأوربيين يعرفواالإسلام على حق او حتى يشوفوا المسلمين بجد .. نظرتهم فينا هتكون غير اللى موجوده دلوقتى من إرهاب و حاجات كلها ظلم على الإسلام و دينا بريئ وبعيد عنها كل البعد .

لوقالولك إنت بقيت رئيس جمهورية هتعمل إيه؟ رئيس جمهوريه .. مرة واحده .. لأ يا ستى الله الغنى .., دى شغلانه صعبه و ربنا يعين اللى فيها ... وبعدين الحاكم ده كاريزمه خاصه و انا مش عندى الموهبه دى ... دى يدوب عندى على ادى كده و على اد مجموعه صغيره حوليا .... انما جمهوريه .. صعبه قوى دى .

لو كان ينفع ترجع طفل تاني وتخليك طفل علطول هترجع؟وليه؟

للأسف مينعش ارجع طفله .... لكن لو ينفع مش ححب اكون طفله على طول .... انا الحمد لله مؤمنه بأن التغيير سنة الحياة ... و اصعبها و مااروعها من سنة .

لو إنت طبيب وعندك مريض ميؤوس من حالته .. أيهما تفضل .. إنك تصارحه بالوضع وتقوله كل شيء بأمر الله في الآخر ولا تغرس فيه الأمل لغاية لما يموت؟

أأولاًمفيش حاجه اسمها ميؤس منها و بعدين تعددت الأسباب و الموت واحد .. لكن انا ممكن اقوله ان فترة المرض اللى انت فيها دى منحه و ليست محنه من عند ربنا فحاول تتقرب من ربنا اكتر من الله و اطلب منه الرضى و انه يتمم شفاك و يجعلك من المتقين .

لو سمح لك برؤية الرسول عليه الصلاة والسلام وإنك تقوله كلمة واحدة بس أو جملة واحدة بس هتكون إيه؟ ياه..ياه.. جمله واحده بس ..حقوله .. حقك عليا ..هى يمكن مش كفايه لكن بجد احنا فات علينا كتير و تهونا كتير سوى فى حقوقتا او فى واجبتنا .. يمكن لأن للأسف تاه منا الصح فى الغلط و بقين حيرنيين بين المسموح و بين المفروض .. و الله المستعان .

لوخطبت واحدة أو اتخطبتي لواحد وأثناء الخطبة إكتشفت أو إكتشفتي إن الطرف الآخر غير قادر على الإنجاب هيكون تصرفك إيه؟

شوفى لو فى فترة الخطوبه يبقى لأ مش ينفع نكمل ... لأن حرام أقرر من نفسي إني احرم نفسي من حاجه ممكن يكون ربنا كتبها لي

لوطلعت القمر هتكتب إيه عليه؟

هكتب تبارك الخالق الوهاب ... و له فى خلقه شئون "

لوكنافي عصر إزدهار الأندلس كنت تتخيل نفسك إزاي؟

كماانا..فأنا دائما أحب الخيال لكنى أعشق الحقيقه .

لوهتسافر في أي مكان في الدنيا تعيش فيه هتروح فين ؟

السعوديه ولا شك فى ذلك .

لومررت التاج ده لحد وما جاوبش عليه أعمل فيهإيه؟

ولا حاجه ...حقول ايه يعنى ... ليس على المشغول حرج .

لومررت التاج تمرره لمين ؟؟

أأبو صلاح ( وكده مش مديونه ليك ياعم فى حاجه ) ،كفراوى (يلا اهى حاجه تخرجك من مود الأمتحانات اللى انت فيه ) ، د.نور (حاجه كدهبسيطه علشان نتعرف اكتر ) ، إنسان ( اهى حاجه تفتكرينا بيها بدل ما انتى نسيانا خالص كده ) .