خمسة بريك

بصراحة كده انا جيت المرة دى بجد علشان أعتذر لناس بعزهم فى التدوين وهم :-

دعاء و كفراوي وسلوى ( ياه دول كتير قوى يعنى أسف با الكوم ) . انا بقى بعتذر علشان بجد مقدرتش أعمل التاج بتاع عرف نفسك فى عشر نقاط ..حاجة كده يعنى مش علشان انا معرفش اعرف نفسي يعنى، انما انا شايفه ان الأجمل انك تكون معروف فى عيون الأخرين

ولأن كل حد بيدخل أى مدونة و بتعجبه بيبقى عنده فضول شديد انوا يعرف أكتر عن صاحب المدونة

قوم أيه .. يروح بعتلوا تاج ، قال أيه ناصح بقى

مش معنى كده انى ضد فكرة التاج ..لأ أنا بحب الموضوع دة

بس فكرة عرف نفسك دى أنا لقتها فى حالة التدوين ممكن نغيرها شويه

يعنى

بدل ما انا اللى أعرف نفسي قولت تعرفونى انتوا على صاحب المدونة فى عشر نقاط

( تدبيسة يعنى )

************************

<<علشان كده انا قلت أعرض عليكم العرض دة >>

كل واحد بيدخل المدونة عندى من زمان ( طبعاً انا عرفاهم ) دول بقى يتفضلوا و بعد أذنهم طبعاً بسرد عشر نقاط عن فكر المدونة أوصاحب المدونة و دا بقى على أعتبار ان كل اللى فيها لحد دلوقتى أنا اللى كتباه و لله الحمد

اما بقى لو كنت زائر للمدونة ومن وقت قصير فأنا عاملة ديسكاونت على النقاط،فبقول يكتب 5 بس

( يا بلاش ) أما بقى لو كان لأول مرة فكفاية يعبرلنا عن رأيه فى موضوع التاج دة

(والله مفيش بعد كده )

و يبقى لكم منى جزيل الشكر و العرفان

******************************

( تنويه ) أى تاج تانى ح يتمرر ليا أنا بجد حبقى سعيدة بيه و حعمله بس يريت يكون على شكل أسئلة أو رأى و دا اللى حعمله ان شاء الله فى تاج سلوى الجديد . و ترقبوا مذيد من الإصدارات

خلص البريك