بنتولد صغيرين وبعدين بنكبر ... وطول ما انت ماشى بتلف وبدور
بتفتكر وبتنسى
بتعيش وبتموت
ويمكن كتير تسأل نفسك
هو الأصح فى الدنيا تكون واسعه بينا ولا ضيقه علينا ؟
وقبل ما تبتدى تجاوب تلاقى الأجابه تاهت فى السؤال
ونرجع نبتدى من تانى
ونقلب الصفحة
ونقول النهاردة صفحة جديدة
اولها أحباب واقرايب .. واصحاب وجيران
و اخرها احنا فى وسطيهم
يذيد همك بيهم وتقول كان نفسي قلبي يبقى عليهم بعد اللى شوفته فيهم
ونرجع نبتدى من تانى
ونقلب الصفحة
..
ونقلب الصفحة
ويجى يوم متلقيش فيه ولا صفحة
لا تقلب و لا حتى ينفع من تانى تقرأه الى الفات
***************************************
مين فينا مكنش نفسه فى كلمة أب و ضمة أم وسند أخ
ونصيحة صديق و لهفة حبيب
وكلمة حلوة فى وقت الكرب
يمكن تعيش حياتك كلها وانت بدور على حاجة فى اللى فات كله فيتاك
لكن بترجع من تانى وتقول اهو بكرة جاى
مهو انت كدة كده ليك فيها مكان
********************
تنويه بسيط
الكلام دة مش دعوة للتفاؤل ولا حتى دعوة للتشاؤم لكنه دعوة لمن يهمه الأمر
22 هنا .. مش فى مكان تاني:
ايييييييه ده تغيبي تغيبي وترجعيلنا كده
علي فكره ده فيه حزن اه بس كالعاده رووعه
مين فينا مكنش نفسه فى كلمة أب و ضمة أم وسند أخ
ونصيحة صديق و لهفة حبيب
وكلمة حلوة فى وقت الكرب
رووعه بجددددددددددد
كلمات أكثر من رائعة ربنا يزيدك ويحفظك
كل عام وحضرتك بخير
الكلام جميل اوى وحكيم جدا جدا
بس ايه المصود بيه
هو ولا دعوة للتفائل ولا التشائم
ماشى
وهو رساله الى من يهمه الامر
تقصدى امر مين بالظبط
بس فى المجمل الكلام حلو الحقيقه
تحياتى
اهلا بيكي
الموضوع عجبني فيه استنتاج قيم فعلاً
كلمة أب و ضمة أم وسند أخ
ونصيحة صديق و لهفة حبيب
وكلمة حلوة فى وقت الكرب
دي تعتبر نقاط القوة بالنسبة للبعض
ونقاط الضعف للبعض الآخر
دول بيبقو العناصر المؤثرة ف حياتنا
والحاجات اللي بنحتاجها
صفحات بنقلبها وزي ما انت بتقولي
وفيها الاشخاص اللي انت قولتي عليهم بردو .....
وكدة الدنيا تبقي ضيقة علينا احنا والاشخاص دول بس
تقريبا أنا جاوبت علي سؤالك
جميل بجد البوست ده وكلامك فيه أكثر من رائع
تحياتي وعودة متميزة
بالتوفيق
وأنا يهمني الأمر
جميله كلماتك بجد
ربنا يحفظك
أنت بتفتحي المسنجر إمتى
مش عارفه أقابلك
السلام عليكم
ازيك يا تمر
كلماتك روعه بجد محتاجين ناس كثير فى زمانا ده يقرؤها يمكن يفهموا و يحسوا
ربنا يهدينا جميعا يااارب
يا رب نلحق نحس بالنعم اللى معانا و حوالينا قبل ما تضيع منا او نضيع احنا منها ..
دمتى بخير و دمتى مبدعه
تحياتى
طب تفتكري ايه الحل طيب
السلام عليكم
ازيك يا تمرتي معلش اني غبت عنك الايام اللي فاتت دي بس كنت والله في دوامة بداية السنة ومكنتش بدخل حتى على مدونتي
الموضوع جميل قوي وان كنت حاسة فيه بشوية حزن أو حنين لحاجة مش عارفه بحس ان كلامك فيه عمق شديد بس اكتر كلمة وجعتني/
وييجي يوم متلقيش فيه ولا صفحة لا تقلب و لا حتى ينفع من تانى تقرأه الى الفات
أتمنى انك تكوني بكل خير وياااارب ربنا يجمعنا على خير ان شاء الله
سلامي وحبي
الكلام صادق بجد و محير و محتاج وقفة تأملية مع النفس
تسلم ايديكي يا قمرة
تحياتي
السلام عليكم
ماشاء الله عليكي
اسلوبك بجد رااااااااائع ربي يبارك فيكي ويحميكي ان شاء الله وعندك حق فى كل كلمة بس زي ماقالت عاشقة
في نبرة حزن ان شاء الله مانشوفهاش تاني
ومنتظرين الجديد ان شاء الله
وماتاخريش علينا ياقمر
السلام عليكم
و يمكن تعيش تايهه
و ملكاش مكان فيها
عاشقة الفردوس
ليه بس كده .....
حزن
حزن ايه بس مين جاب سيرته
سيبك انتى ..منزرانى ووحشانى قوى
mohamed ghalia
واياكم ان شاء الله ززز والف شكر على الزيارة ونتمنى الدوام
momken
تمام الكلام حلو يعنى و كل المشكله عندك انو لمين ....
انت طبعا و كل اللى علقوا .. بعتقد ان الموضوع لو مكنش مهم مكنش يبقى فيه تعليق صح ولا ايه...
وبعدين اللى انا قلته كان احتياج و اكيد كلنا عنده نفسه
تحياتى
ghoneem
بجد مش عارفه اقول ايه ..
بس كلامك بجد حاسسنى انى بعرف اكتب ع قدرت اوصل الهدف من اللى مكتوب .
شكرا وجزاك الله خيراً
سلوى
انا اللى عارفه انى دايما متأخرة ومقصرة معاكي ... بس كله من النت بقى
المهم جهازك بخير مش كده ....
rovy
جزاكى الله خير الجزاء و الف شكر على دعمك و تثبيتك .
وتقبل الله منا ومنكم
اسفه على التأخير
غير معرف
اللى هو معروف يعنى ... الحل موجوووووود
دور عليه تلقاه دور عليه دور .
هههههههه
الف شكر على التعليق
أمل
اوووو نووو مش مصدقه (ههههه)
انتى اللى فين
وحشتينىىىىىىىىى خالص
وبعدين انتى كمان تقولى حزن
!
!
!
على العموم
ما بين طرفة عين وانتباهتها يغير ربي من حال إلى حال
Esraa Hamed
محير من ناحية ايه طيب ....
اوع يكون مش مفهوم .. دى اهم حاجة
بس وحاشنى والله و اعذرنى على التأخير
قلبك ابيض بقى
بنات افكارى
انا بقى اللى اسلوبى رائع ...طب نيجى جنبك ايه ...
وحزن انتى كمان بتقولى ... يلا بقى انتى عارفه اللى فيها .
تسلميلى
تحياتى
kafrawy
تايه ..ممكن
لكن ملكش مكان فيها ... أستحالة بدليل ان لسه مموجود .انما المكان انت اللى يمكن مش شايفه ولا حاجة ..
نغير النظارة طيب
تحياتى
إرسال تعليق