تاج .... ربنا يستر

التاج دة تمريرة أبو صلاح و كفراوى و يا رب تبجي منى انا في الجون

  لو قالولك اختار عصر من عصور مصرعلشان تعيش فيه تختار اى عصر و فى عهد اى حاكم .. واشمعنى؟

اختار عصر سيدنا النبي محمد بن عبد الله ( عليه الصلاة و السلام ) ، علشان الناس وقتها كان ايمنهم على حق و قدوته شاخصة قدمهم ، شافوا كتير من الصعاب .. لكن يكفى أنهم شافوا الطاهر الأمين .

أما لو كانت الإجابة تخص عصر من عصور مصر بس .. فأنا أفضل عيش في العصر اللي إحنا فيه دلوقتى ... يعنى .. بس مع تغير بسيط فى المسميات اللي بدأت تنقرض زى .. أيدى في أيدك  ، و تعالى نحقق بكرة ، وسيبك من المعجزة اللى جاية تعالى احنا نعمله ...... وكدة يعنى.  اول اولويه فى حياتك عيلتك ولا شغلك ولااصحابك؟

هى يمكن مش مكتوبة فى ولا حاجة فى دول لكن ممكن أقول عليتي بما ان أول أولوية فى حياتي هي رضا الله و رضاه بيجى من رضا الأهل ..... أما بقى الشغل و الأصحاب فدول  بيتغيروا في كل وقت و الثابت منهم قليل .

ايه اكتر حاجه بتحبها فى رمضان؟

بصراحة كدة .. ان كلنا بنبقى موجودين على الفطار , كمان بحب صلاة الترويح جداً . .... الالتزام اللي ممكن نلاقية فى بعض الناس متغير عن غير الأيام التانية .

اوصف ليا اجمل فطار ممكن تفطره

بصراحة موضوع الأكل دة مش بيفرق معايا ( ساعات ) بس أي حاجة موجودة اهى بتسد ... لكن اجمل فطار بفطره هو الفطار اللى بيبقى مع كل الناس اللى بحبهم و بيحبونى .

لو انت حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم عادل؟

حاكم ! مرة واحدة .... هو العدل سمة من سمات الحكم  ، لكن بجد صعب قوى ....انما هحاول انى اكون حياديه بين المجوعة و أخد بمبدأ الشورى زى سيدنا محمد (عليه الصلاة و السلام ) و بعدين تبقى تفرج بقى .

و هعمل إيه علشان أتأكد من حكمي .. حخرج باليل متخفيه كدة علشان محدش يعرفنى و اتفقد احول الرعية و ربنا ساعتها يستر بقى .

اللى بيبوظ الحكام .. نفسهم؟ ولا الشعب؟ ولا الحاشيه المقربه؟

بصراحة ودا رأي ... انا شايفة ان الحاكم دة كريزما و ملكة كمان ربنا اللي بيوهبها للحد اللي ممكن يكون حاكم . .... يعنى لو في حاكم بجد ... مش ح تفرق معاه خالص أراء الشعب الهابطة و لا حتى الحشية بآرائها المغرضة .

مين أكتر اعلامي مصري بتحترمه؟

اكتر اعلامي بحبه ... اى حد بيقول كلمة الحق و يقف ليه بجد ... يعنى ممكن كل واحد فينا يكون اعلامي  . .....   ولو تقصد حد معروف يبقى محمود سعد  .

قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه ؟؟ لو اه ايه رايك فيه؟؟

بصراحة لأ . محصليش الشرف

لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟

كنت أتمنى أكون صيدلانية  ( بس مش بالشكل المعروفة عليه عندنا اللى هى الحاجات اللى على الرف و خلاص )  ......  بس انا فى شغلانتى دلوقتى بحاول اقرب من اللي كان نفسي اعمله لما اكونصيدلانية و هى خدمة الناس و ان حد يفتكرك بالطيب .

ايه تانى بلد تتمنى تعيش فيها بعد مصر؟

انااصلا مش حابه اعيش فى مصر حيث الزحام و عوادم السيارات .... لكن لو بلد تانية تبقى مكة أو المدينة .

اوصف ليا ترتيبات اجمل فرح ممكن تحضره

هو يمكن السؤال مفتوح شوية ... انما اجمل فرح احضرة هو فرح ناس بعزهم بجد .. و الترتيبات تبقى الأناقة ثم الأناقة ثم الأناقة فى اللبس و الحركات و الأفعال و الكلام و كدة يعنى . اصلو يبقىمكان كله بيبص على التاني .

بتراعي كلام الناس والقيل والقال؟ لو اه او لو لا قول لى ليه؟

ارعي كلام الناس !!! مش دايما علشان لو كان فى الفاضى يبقى لأ لكن كمان لأزم اخد بالى ... طب دا حتى سيدنا النبي بيقول ابتعدوا عن اماكن الشبهات . .... و بعدين طلاما انا براعي ربنا و اهلى رضين عن تصرفاتي يبقى ليه أخد فى بالى الباقي ( اصل الصح صح و المبدئ مش بيتجزء )

صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟

عادي يعنى حيحصل اية يعنى ... كل ما فيها الواحد هيشتريلوا كمام حمامة يسلي بيهم نفسه ... انما موضوع الحصان دة .. عايز تمارين كتير وجرئة قلب .

السعاده هى؟

رضا الوالدين عليا اللى هو من رضا ربي بيا ... و كمان حاجة كدة بتسعدني قوى لما اشوف ولدي الله يرحمة فى رؤية .

عندك أمل ؟؟ أسبابك ؟

اه طبعا .. اسبابه انى عندى ثقة كبيرة قوى فى بكرة .. على طوال احلم بيه و اطلبه من الربنا علشان هو صاحب بكرة اللى فى علمه .... مهما كان اللى حوالينا من الناس بيرجعونا عن كدة .
لما تحب تهرب من كل شئ بتروح فين؟

انا مش بحب اهرب .. انا احب اواجه مهما كان من غلط انا هكون مسئولة عنه ..... اما لوكنت تقصد لما ببقى زعلانة و مخنوقه و كدة بحب اروح المنصورة قوى و شوف النيل و قدامه اخد نفس طويل و بعده اقول .... يـــــارب .  ،  و بعد مااروح البيت اصلي ركعتين و ادعي بالفرج و بعدين انسى كل حاجة بقى أو حتى أتناساها .

امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟

لسه امبارح  ، لما قولت راي فى حاجة كدة لحد اكبر منى . بس أعجب برأي قوى و قالي انو كان تايه عن باله حاجة زى دى . ( بس الحمد لله  ، كله خير يعنى )

لما بتعمل عمل خيرى بيكون ايه هو دافعك الاول؟

الاقتضاء بحد بحبه جدا ( علشان كدة بعمل زيه ) و كمان فى الأول و الأخر بقول يارب يبقى فى ميزان حسناتي .

بتشرب سجاير؟ لو الاجابه اه ايه شعورك لو شفت ست بتشرب سجاير؟ وليه ؟

انا .. اعوز بالله  , لكن فى حياتى ناس بحبهم قوى بيدخنوا و بيصعب عليا صحتهم قوى .. و بيبقى نفسي اسألهم بجد ( هما بيحسوا برجولتهم كدة و هو بيشربوها و لو كانت المسألة مسئلة تعود ... يبقى صحتهم بتهون عليهم لدرجه دى ، كمان دا ربنا وهبلنا الصحة دى امانة و حنتسأل عليها اكيد ) ع العموم ربنا يعافى كل امة محمد .

اما لو شفت ست بتدخن هقول عادى ، ما هو الرجال  اللى المفروض يكون رجالة  و عماد اى اسرة او مجتمع بيدخنوا ، يبقى حنيجى نقول الست ليه بدخن ؟؟؟؟؟؟ 

بتعرف ايدك اليمين من الشمال ازاي؟

ههههههه . جديدة دى ، انما ادينى بعرفهم يعنى لما اجي اسلم على حد او لما اجى اكل مثلاً

ايه اكتر اله موسيقيه بتحبها ؟

الربابة .. بدون منازع ، والدف ، لما يكون دف بجد مش بتاع دلوقتى
فى رأيك ليه الذوق والنخوه اتعدموا؟

ايهدا .. هما اتعدموا ؟؟ محضرتش واقعة الأعدام دى يعنى ..... لكن بجد انا شايفة ان كلواحد لو دقق فى علاقاته بالناس الصح و هو كمان كان بنى آدم كويس حيشوف انهم موجودين ومش اتعدموا زى ما بتقول .

ايه الحاجه اللى لو حصلتلك تبقى سعيدقوى؟؟؟

ياه .. كويس قوى انك قلت حاجات .... اهم حاجة تخلينى سعيدة هى سعادة كل اللى بحبهم وكمان لما يجيلى حاجة على بالى و نفسي فيها و اهم حاجة زى ما قلت قبل كدة .

تختار يبقى عندك...ارض زراعيه ولا احسن عربيات و لا كام عماره و لا فلوس فى البنك؟؟؟؟

ولاعمرى بقسها كدة ... كل دا يمكن يكون موجود بس انت يا خسارة مش لاقي نفسك يبقى اية الحال اية بقى ......   لكن لو محتاج رد يبقى بيت أحس بيه بالأمان  .

البحر و لا النيل؟؟؟

النيل  طبعا ً انما البحر احبه اه بس لما بيقلب يغدر بالقوى .

مركب و لا طياره؟؟

بصراحة لا دى ولا دى .... لكن لو حكت يبقى طيارة و ربنا يستر .

مجنون و لا عاقل؟؟

عاقلة و الحمد لله ... لكن فى اوقات بحب اعيش لو حتى لحظات جنون .

تقرأ كتاب و لا تتفرج عليه فيلم؟

لأ اقرأ كتاب و فضلاتخيل الأبطال لحد ما شوفهم قدامي حقيقى .

بتمرر التاج لمين؟؟؟

امرر التاج لمين ؟؟؟؟

سيندريلا  ، الغريب ، انسانة ، سهر ، ابوسليم

و الطائر الحزين

دى الأجابات على كل الأسئلة اللى موجودة فى التاج .... لكن التاج نفسه انتم اللى حتقرروا اخدوا ولا