تخاريف عقل

كل الناس عايشه على أمل فرصه تدق على بابهم ... لكن أول ما تيجى

الفرصه يا خسارة تطلع قرصه و عليها الف واحد عايز ياخذ منها و يقولك صاحب الكفاءة هو اللى هيفوز

بالفرص، قصدى بالقرصه

لكن يا ترى الكفاءة دى للى يقدر على هضم القرصه ولا على اكل اكبر جزء منها

*********************************

الضحك بقى على الناس اللى عايشه على أمل تلاقى مصباح علاء الدين

علشان يفركوه ... اوم ايه بقى

يطلع المارد اللى يحقق كل المراد

بس يا حرام أول ما يبتدى يفرك يطلع منه قرد و مسلسل كمان

وساعتها بقى يبقى لبد فى رقبته لطول العمر

يا حرام

*******************************

ولا الكبيرة بقى .... فى ناس تقولك أحلم يا بنى دا الحلم ده بتاعك انت

و انت تفضل تحلم وتحلم وبعدين الحلم يكبر بيك

و تلاقى نفسك وقعت على جدور رقبتك

وتقولهم مش أنتم اللى قولتى أحلم

"يقلولك .. لألألأ حلمك كبير قوى ... روح اجرى "احلم حاجة على قدك "

*******************************************************

صحيح ايه الحل ؟؟؟؟ أيه العمل ؟؟؟؟

أنا بقول ودا من وجة نظرى يعنى

لو انا الفرصه خلاص بقت قرصه يبقى يارب يكرمني بعمل

قرصه بأيدى و تبقى من صنع اديه وحياة عنيا

(((((((((((((((((((())))))))))))))))))))))))))))))

اما بقى اللى بيحلم بمصباح سي علوة أفندى

فهو بجد يستاهل القرد المسلسل

علشان خلاص زمن المعجزات خلاص انتهى

والأختراعات خلاص بقت اشي خيال يا ولاد

(((((((((((((((((((())))))))))))))))))))))))

أما بقى اللى بيفضل يحلم ، فالحلم مش وحش

الوحش انو يحلم و يتعلق فى رقبة حلمه و ينسى انو هو اللى فى يوم من الأيام اللى عمله

وكمان لما نيجى نحلم مننساش

قول رسول الله صلى الله عليه وسلم

" رحم الله إمرء عرف قدر نفسه "

صح ولا ايه